پاکستان پیپلز پارٹی ضلع ہنزہ کا ایک اہم اجلاس اتوار کے روز پیپلز سکریٹریٹ ضلع ہنزہ میں منعقد ہوا، اجلاس کی صدارت، جناب رحمت علی صدر ضلع ہنزہ نے آن لائن زوم کے زریعے کی۔اجلاس میں سنیئر نائب صدر اعجاز گلگتی ، سنیئر رہنماؤں، نمبردار اسلم، اقبال حسین، فرمان کریم، سیکریٹری اطلاعات غلام عباس، نائب صدر اسلم خان، سیکریٹری فائنانس امتیاز برچہ، اور کثیر تعداد میں ذیلی تنظیموں، سب ڈویژن، پی وائی او، پی ایس ایف، کے کارکنان نے شرکت کی۔ اجلاس میں ہنزہ کے مختلف مسائل پہ گفتگو کرتے ہوئے کہا کہ، لینڈ ریفارمز کے نام پر گلگت بلتستان کے عوام کے ساتھ مذاق بند کیا جائے اگر صوبائی حکومت واقعی عوامی خواہشات کے مطابق کام کرنا چاہتے ہیں تو حق ملکیت بل جو اپوزیشن لیڈر امجد حسین صاحب نے اسمبلی میں پیش کی ہے، کو پاس کر کے جو عوام کی ملکیت ہے کو قانونی حق کو یقینی بنائے، نہ کہ عوامی ملکیت کو ہتھیانے کی کوشش کریں، پاکستان پیپلز پارٹی ضلع ہنزہ لینڈ ریفارمز کے نام پہ یکطرفہ پالیسی کو مسترد کرتے ہیں اور اسمبلی میں پیش شدہ حق ملکیت بل کو منظور کرنے کا مطالبہ کرتے ہیں۔
پارٹی نے حسن آباد پل کے کام میں سست روی پر تشویش کا اظہار کرتے ہوئے مطالبہ کیا کہ پل کے کام میں تیزی رکھی جائے، تا کہ اس معاشی خستہ حالی اور مہنگائی میں، مزید معاشی مشکل پیش نہ آئے ، کیونکہ ہنزہ میں تقریباً %70 لوگ سیاحت کے پیشے سے منسلک ہیں۔ جو حسن آباد کے پل کے گرنے سے، سیاحتی کاروباری سرگرمی مفلوج ہو کر رہ گئی ہے۔ جس کی وجہ سے ہنزہ کے عوام ذہنی دباؤ کا شکار ہو کر رہ گئے ہیں۔ متعلقہ اداروں سے پرزور مطالبہ کرتے ہیں کہ عوامی مشکلات کو مدنظر رکھتے ہوئے پل کے تعمیراتی کام کو جلد سے جلد تکمیل تک پہنچا کر عوام کے لیے آسانی پیدا کیا جائے۔ ساتھ ساتھ اجلاس میں سب ڈویژن سینٹرل ہنزہ کے نئی کابینہ کے منتخب اراکین کو مبارکبادی اور ہار کے تحفے بھی پیش کئے گئے ، اور امید رکھی گئی کہ نئے منتخب شدہ ارکان کابینہ، قائد عوام شہید ذوالفقار علی بھٹو کے فلسفے پر عمل پیرا ہو کر معاشرتی تعمیر وترقی میں اپنا کردار ادا کر ینگے۔
اجلاس کے آخر میں، سب ڈویژن گوجال کے دیرینہ جیالے کارکن مرحوم صلاح الدین کے ایصال ثواب کیلئے فاتحہ خوانی کی اور ان کے خدمات کو خراج عقیدت پیش کیا گیا۔
