Home اردو خبرٰیں کشمیر میں فوجی جوان نے خودکشی کرلی

کشمیر میں فوجی جوان نے خودکشی کرلی

0 second read
0
0
238

مقبوضہ کشمیر میں جنوبی کشمیر کے ضلع اننت ناگ کے علاقے عشمقام میں منگل کے روز فوجی جوان نے مبینہ طور زہر کھا کرخود کشی کر لی۔
ساوتھ ایشین وائر کے مطابق عشمقام میں تعینات راشٹریہ رائفلز کے 3 بٹالین کے ایک اہلکار نے منگل کی شام قریب 4 بجے دوران ڈیوٹی مبینہ طور پر زہر کھا کر خود کشی کر لی۔
ذرائع نے بتایا کہ ان کے ساتھی مذکورہ فوجی اہلکار کے پاس پہنچے اور انہیں بے ہوش پایا۔فوجی اہلکار کو فوری طورپر نزدیکی فوجی ہسپتال منتقل کیا گیا جہاں ڈاکٹروں نے انہیں مردہ قرار دیا۔ ہلاک شدہ فوجی کی شناخت بلرام سنگھ کے بطور ہوئی ہے۔ساوتھ ایشین وائر کے مطابق ایک پولیس افسر نے واقعے کی تصدیق کرتے ہوئے کہا کہ اس سلسلے میں کیس درج کرکے تحقیقات شروع کی گئی ہیں۔
سیکورٹی اداروں کی جانب سے یوگا اور آرٹ آف لیونگ کی سرگرمیاں متعارف کرانے کے باوجود بھی جموں وکشمیر میں تعینات سیکورٹی فورس اہلکاروں میں خودکشی کے رجحان میں کوئی کمی نہیں آرہی ہے۔گزشتہ برس سابق مرکزی وزیر راجیہ سبھا میں فوجی جوانوں کی طرف سے خود کشی کرنے کی تفصیلات فراہم کرتے ہوئے کہا کہ 2018 کے دوران 80 فوجی اہلکاروں نے خود کشی کی جبکہ فضائیہ میں 16 اہلکاروں اور نیوی میں 8 اہلکاروں نے خود کشی کی۔ساوتھ ایشین وائر کے مطابق انہوں نے کہا کہ سال 2017 میں 75 فوجی اہلکاروں کے بارے میں شک کیا جاتا ہے کہ انہوں نے خود کشی کی ہے جبکہ سال 2016 میں 104 فوجی اہلکاروں کی موت خودکشی کرنے سے واقع ہوئی ہے۔

Leave a Reply

Your email address will not be published. Required fields are marked *

Check Also

ٹرک ڈرائیور کی حوالات میں مبینہ تشدد سے موت؛ایس ایچ او سمیت عملہ معطل