رمضان المبارک کے مقدس مہینے میں امن وامان کی فضاء کو برقرار رکھنے اور عوام کی جان،مال، عزت اور ابرو کی حفاظت کو یقینی بنانے کے لئے ڈسٹرکٹ پولیس آفیسر شانگلہ ملک اعجاز کی وژن اور رمضان المبارک کے مہینے کیلئے جاری کردہ جامع پلان کے تحت زیر نگرانی سب ڈویژنل پولیس آفیسر پورن زیراب گل ایس ایچ او تھانہ مارتونگ لیاقت علی اور دیگر نفری پولیس نے تیراج کنڈاوں اور دیگر ملحقہ علاقوں میں سرچ اینڈ سٹرائیک اپریشن کی۔ اپریشن میں بی ڈی ایس جوانوں، ڈی ایس بی،ایلیٹ اور ریگولر فورس شامل تھے۔ ایس ایچ او تھانہ مارتونگ لیاقت علی خان اور دیگر نفری پولیس نے ڈی پی او شانگلہ کی وژن پر عمل کرتے ہوئے رمضان المبارک کے مقدس مہینے میں جرائم پیشہ عناصر کی سرکوبی کے لئے دور دراز علاقوں تیراج کھنڈاوں،تیتوالان،گلابنڈسر،بادوسر،جھنگڑئی کھنڈاوں گڑاکاجن کی باونڈریاں دوسرے اضلاع سے پیوست ہے میں سرچ اینڈ سٹرائیک اپریشن کی گئی۔ اپریشن کے دوران ایس ایچ او تھانہ مارتونگ لیاقت علی اور دیگر نفری پولیس نے تیراج کھنڈاوں،گلابنڈسر،بادوسر،جھنگڑئی کھنڈاوں گڑاکے پہاڑی علاقوں میں غاروں اور دیگر جگہوں کو بھی چیک کئے مگر کہیں سے بھی کوئی مشکوک شخص نظر نہیں ایا اور نہ ہی کوئی مشکوک سرگرمی رپورٹ ہوئی.ایس ایچ او تھانہ مارتونگ لیاقت علی نے علاقہ معززین کیساتھ بھی تفصیلاً میٹنگ کی۔ میٹنگ کے دوران علاقہ معززین نے شانگلہ پولیس کی کارکردگی اور رمضان المبارک میں پہاڑی علاقوں میں سر چ اینڈ سٹرائیک اپریشن کی جای اس اقدام کو سراہااور کہا کہ انشاء اللہ ہم شانگلہ پولیس کیساتھ دیں گے۔ ایس ایچ او تھانہ مارتونگ لیاقت علی نے مختلف علاقے کے لوگوں کو اپنے اور تھانے کے نمبرات فراہم کرتے ہوئے کہا کہ جب بھی کوئی مشکوک شخص نظر اجائے تو فی الفور تھانے کے نمبر یا میرے نمبر پر رابطہ کرکے اپ کا نام صیغہ راز میں رکھا جائے گا۔
